اسكيلات الايبك ورير الجديدة Epic Warrior Skills
متهيألى كل الناس سمعت ان ايبك الورير خلاص هينزل قريب اوى ( فى شهر اغسطس ) ويوم 1-6 الجى ام اعلن عن الشكل الرسمى للايبك ورير وشكله ملوش حل والناس كلها عمالة تتكلم عن الاسكيلات اللى هتنزله هتكون عاملة ازاى وهيكون عددهم كام اسكيلة .
فى الموضوع ده هقولكم كل الاسكيلات بتاعتوا وشكل كل واحدة فيهم ,, سواء بتلعب ورير او لأ لازم تعرف ايه اللى هينزل ☺
فى البداية كدة الايبك ورير هيكون عنده 6 اسكيلات خاصة بيه !!!!
ايوة زى ما قريت كدة ,, 6 اسكيلات هيبقوا معاه بالايبك وهقولهم واحدة واحدة وهتشوفوا شكلهم .
الاسكيلة الاولى
- دى يا صديقى هتخليه لما يضرب حد يعمل دامج فى اللى حواليه منغير ما يضربهم :D ,, زى ما واضح كدة هو ضرب وحش واحد والوحش التانى جه فيه الدامج منغير ما يتلمس :
الاسكيلة الثانية
- دى الاكسبى اسكيل XP Skill اللى هى بتظهرلك لما الشريط الاصفر اللى على الجمبين بيتملى على الاخر ,, ودى بتعمل حاجة اسمها دامج اوفر تايم Damage Overtime يعنى الدامج بيطلع كل شوية لحد ما المدة بتاعتها تخلص .
علشان متتلغبطش : دى حاجة زى اللفة بتاعة النينجا بس الفرق ان دى بيجرى بيها بسرعة جدأ زى ما انت شايف ,, وكمان بيعمل دامج فى المكان اللى بيعدى منه بس مش بيتوزع بعيد زى اللفة بتاعة النينجا.
وطول ما انت عاملها بتزودلك ديفنس.
وده شكلها :
الاسكيلة الثالثة
- شبه اسكيلة الارشر ( الاساسن Assassin ) اللى بيضربها بالسكاكين وبتلاقى السكاكين بتطلع اكتر من واحدة فى اماكن كتيرة اسمها Blistering Wave ودى صورتها للى مش فاكرها او مش عارفها :
دى هتكون شبهها اوى فى طريقة الضرب ,, بس طبعأ الشكل مختلف خااااالص وده شكل بتاعة الورير :
الاسكيلة الرابعة
- دى اسكيلة اول مرة تنزل فى كونكر كلها لأى شخصية من شخصيات كونكر ,, ركز معاية علشان تفهمهما.
دلوقتى انت علشان تضرب الـ XP Skill بتاعة اى شخصية لازم تستنى الباور الاصفر ( اللى على يمين وشمال الدم والمانا ) لما يتملى واول ما بيتملى بتضربها ,, طيب لو حد قتلك ؟
ببساطة اول ما حد بيقتلك بيرجع الباور من الصفر وبتبدأ تجمع فيها من الاول .
اسكيلة الورير دى بأه هتخليك حتى لو حد قتلك الاكسبى اسكيل تفضل تجمع ومترجعش للصفر لو صحيت تضربها عادى وتكمل :D
وده شكلها زى ما انت شايف الورير مات ولما صحى الاكسبى اسكيل جاتلوا تانى ومرجعتش من الصفر !
الاسكيلة الخامسة
- دى المفروض انها ريفلكت Reflect يعنى بتعكس الضربة ,, بس دى الجى ام قايل عليها انها بترجع جزء من الضربة للى ضربها للورير غير الريفلكت العادية يعنى دى هتكون اضافية معاه وهيكون معاه الريفلكت العادية زى ما هى .
لو مفهمتش هفهمك تانى ,, الاسكيلة دى لو انت ورير وبتلعب بالايبك وجه واحد ضربك وهى طلعت عليه هينقص من دمه نسبة من قوة الضربة اللى ضربها فيك ( النسبة لسه مش متحددة ) .
بص على شكلها كدة هتفهم قصدى :
الاسكيلة السادسة
- دى اخر واحدة فيهم وهى اجمد واحدة فيهم من رأيي ,, الاسكيلة دى بتعمل حاجة اسمها الـ Dash يعنى الورير بيدوس على مكانك وبيروحلك ,, ركز هنا بأه .
اول ما هيروح مكانك هيعمل فيك حاجة اسمها Knock Back يعنى هيخبط فيك ويرجعك لورا شوية ( وانت بترجع مش بتعرف تستعمل اى اسكيلة من اسكيلاتك ) .
وده شكل الاسكيلة :
وبكدة خلصت اسكيلات الايبك ورير الجديد ,, متنساش تقولى فى تعليق رأيك فى الاسكيلات خصوصأ انهم 6 اسكيلات وده اكتر عدد نزل للايبك لحد دلوقتى ☺
---------------
هتابع معاكوا كل جديد بإذن الله وتقدروا تتابعوا اخر الاخبار من قسم الاخبار .
علشان تتابع كل جديد خليك متابع :
صفحة المدونة على الفيسبوك
ولو عاوز تدردش مع باقى اعضاء المدونة ياريت تشترك فى :
جروب مدونة محترفين كونكر على الفيسبوك .
صفحة المدونة على الفيسبوك
ولو عاوز تدردش مع باقى اعضاء المدونة ياريت تشترك فى :
جروب مدونة محترفين كونكر على الفيسبوك .
خاص بمدونة محترفين كونكر