حل مشكلة البنج فى كونكر طريقة مضمونة 100%
حل مشكلة البنج فى كونكر طريقة مضمونة 100%
الموضوع مش محتاج اى مقدمات , الناس كلها قرفانة من البنج العالى فى كونكر واللاج اللى فى اللعبة ودا مش مخلى حد عارف يلعب خالص , قبل ما اقولكم على حل المشكلة دى عاوز اقول لرجالة المدونة ايه سبب المشكلة اساسا علشان يبقوا فاهمين مش حافظين زى الناس اللى بتحفظ وخلاص .
الشرح ده مش للناس اللى بتلعب كونكر بس ,, البنج دا مشكلة فى كل الالعاب الاونلاين سواء كونكر او لول او دوتا او كروس فاير وغيرهم كتير جدأ ..
والنهرده بإذن الله هقولكم ازاى نحل مشكلة البنج فى الالعاب الاونلاين كلها .
------------
سبب مشكلة البنج ؟
فى سببين هما اللى عاملين مشكلة البنج دى :
1- من شركة كونكر نفسها : شركة كونكر نفسها سيرفراتها مش مستقرة ودا معناه ان اللاج بيكون عالى فى السيرفرات كلها ( او اغلبها ) والكلام ده مش من عندى دا كلام الجى ام :
2- من شركات الانترنت فى مصر : الموضوع بإختصار علشان هو طويل اوى , فى حاجة اسمها خدمات الــ VOIP دى بإختصار هى اللى بتفرق معاك وانت بتلعب اى لعبة اونلاين وبتخلى البنج يبقى عالى او قليل .
------------
ازاى احل مشكلة البنج ؟
بعد ما عرفت السببين بتوع مشكلة البنج ,, اكيد عرفت اننا لما نيجى نحل المشكلة مش هنحل السبب الاول اللى هو خاص بسيرفرات شركة كونكر نفسها ,, احنا هنحل السبب الثانى بتاع شركات الانترنت فى مصر.
- الحل اننا نستعمل برنامج VPN .
للناس اللى مش عارفة يعنى ايه VPN ده بإختصار شديد بردو حاجة بتغيرلك الايبى بتاعك يعنى انت دلوقتى فاتح نت من مصر صح ؟ لو استخدمت VPN وحددت الدولة امريكا مثلأ هتاخد ايبى جديد لجهازك هيكون ايبى امريكى ولو دخلت على اى موقع هيتعامل معاك كواحد من امريكا مش من مصر . ( انا مش بقول تعريف الـ VPN ايه انا بقولكم ده من الاخر بيعمل ايه ) .
------------
ايه احسن برنامج VPN استعملوا ؟
السؤال ده هو اللى خلانى اتأخر فى كتابة موضوع البنج ده , علشان كنت بجرب اغلب البرامج اللى الناس سمعت عنها واللى مسمعتش عنها كمان :D .
نصيحة : متستعملش VPN مجانى , استعمل واحد بفلوس .
المجانى مش بيشتغل كويس ومش بيخلى البنج قليل زى ابو فلوس :D ,, طيب انا اكيد مش هخليك تدفع جنيه فى الحوار ده ,, انت هتستعمل الـ VPN اللى بفلوس فترة التجربة Trial بس وبعدين تعمل اميل جديد وتاخد فترة تجربة تانى وهكذا ^_^ .
احسن برامج VPN :
- Hide me وده بيدعم اللغة العربية وبيديك 2 جيجا داونلود عن طريقوا ( مش مدة معينة مثلأ 7 ايام زى باقى البرامج ) .
- ZenMate وده بيدعم اللغة العربية بردو ومن افضل برامج الــ VPN وبيديك عضوية مميزة لمدة اسبوع .
- WTFAST وده بيديك 14 يوم مجانأ .
فى برامج تانية كتيييييير جدأ ,, بس دول احسن كام برنامج وياريت تجربوهم بالترتيب زى ما انا كاتبهم لإن الافضل فيهم Hide me وبعديه ZenMate ومشكلة الـ ZenMate انه لمدة اسبوع بس .
اعمل ايه لما الفترة التجريبية تخلص ؟
انت هتعمل اميل على ياهو او جيميل وتسجل بيه فى البرنامج اللى انت عاوزوا ولما الفترة دى تخلص هتعمل اميل جديد وتسجل بيه وهيديك فترة جديدة وهكذا .
هو انا لو استعملت اى برنامج منهم هخش السجن او هاخد بان ؟
- لأ يا صديقى مش هيجيلك بان ولا هتخش سجن الدى بى ,, استعمل البرامج اللى انا حاططهم دول وعلى ضمانتى ♥ .
وده رد الجى ام لما سألتوا اذا كانت البرامج دى ممنوعة ولا لأ :
وهو بيقول ان دول Legal يعنى قانونى تستخدمهم ,, ف محدش يخاف من انه يجيلوا بان او اى حاجة ^_^ .
وده رد الجى ام لما سألتوا اذا كانت البرامج دى ممنوعة ولا لأ :
وهو بيقول ان دول Legal يعنى قانونى تستخدمهم ,, ف محدش يخاف من انه يجيلوا بان او اى حاجة ^_^ .
------------
ملحوظتين على السريع
1- حاول تختار دولة الــ VPN تكون قريبة من سيرفرات اللعبة اللى انت بتلعبها علشان يكون البنج قليل .
او تختار دولة قريبة منك ومن سيرفرات اللعبة يعنى تكون وسيط بينكوا وده هيخلى البنج اقل .
من احسن الدول اللى جربتها كانت فرنسا .
2- بعد ما تختار الدولة افتح اللعبة اللى بتلعبها ( سواء كونكر او غيرها ) وشوف البنج كام لو البنج عالى جرب دولة غيرها لحد ما تلاقى البنج تمام معاك واعرف الدول اللى بتبقى كويسة معاك علشان بعد كدة تخش عليها علطول ^_^ .
ياريت اللى يعرف برامج VPN حلوة مع دول ( ويكون جربها ) يكتب اسمها فى تعليق تحت الموضوع وانا هجربوا ولو طلع كويس هنزلوا فى الشرح معاهم بإسم صاحب التعليق .
-----------------
لو لسه صحابك ميعرفوش المدونة ياريت تقولهم وخليهم يستفادوا هما كمان ^_^
وياريت اللى عنده اى سؤال يكتبوا فى تعليق تحت الموضوع ( لو عاوز الرد يكون اسرع ) او يبعتوا على :
خاص بمدونة محترفين كونكر