شرح مهمات الجوب سنتر - الجزء الثالث

شرح مهمات الجوب سنتر - الجزء الثالث

زى ما وعدناكم بعد الانتهاء من شرح الجزء الأول من المهمة اللى هى هنا و شرح الجزء الثاني من مهمات الجوب سنتر وهتلاقيه هنا .
انهارده هنشرح الجزء الثالث و الآخير من مهمات الجوب سنتر والجزء ده هيكون فيه شرح لكل المهمات السوبر فى كونكر بالتفصيل وبالصور .
ملحوظة : مهمات الجوب سنتر كلها بتتعاد اول ما تنزل ريبورن وكمان بتتعاد اول ما بتنزل سكند .
و نبدأ على بركة الله 

مهمة الهاتة السوبر : Hero`s Wings

المطلوب : Level 90
الجائزة : SuperHeadgearPack

أولا هنروح زى ما قولتلكم الـ JobCenter و بعدين نكلم الراجل اللى قولنا عليه فوق اللى هو TaskmasterChang و بعدين هنختار المهمة اللى واضحة فى الصورة

بعد ما تستلم المهمة هيقولك تروح لواحد أسمه PoorXiao و ده هتلاقيه موجود فى مدينة النسور BirdIslandCity و ده شكله و مكانه

المهم هتكلمه هيقولك روح للدكتور اللى أسمه DoctorKnowitAll و ده موجود فى البيرد برضوا و ديه صورته و مكانه

بعد ما تكلمه هيقولك أرجع تانى لـ PoorXiao و لما تكلمه هيقولك هات 1 Meteor و بعد ما تجيبها هتروح للدكتور تانى بعد ما تروح تكلم الدكتور هياخد منك الميتور و هيقولك أطلع بره أقتل فى BirdMan و جمع منهم 10 BirdBlood و ده شكل الوحوش

بعد ما تجمع الـ 10 Blood دول هترجع تانى للدكتور هياخدهم منك و هيقولك روح هاتلى BitterGinseng و علشان نجيب البتاعه ديه لازم تركز معايا جداااااا

اولا هنروح لوحوش الـ HawKing و ده شكلهم

ثانيا علشان تجيب BitterGinseng لازم الأول تروح تموت فى وحوش الـ HawKing و تجيب منهم الأول حاجه أسمها Gallbladderr و دول شبه البضتين زى الصورة كده

بعد ما تجيبهم هتروح تقف فى مكان معين علشان نقدر نجيب الـ BitterGinseng و المكان ده زى ما فى الصورة و تحديداً جنب الجارد ده و النخله مكان ما أنا واقف بالظبط

المهم هتيجي ف نفس المكان ده و هتدوس بقى كليك يمين على Gallbladderr هتعمل تحتيك نقطه صفرا بتنور و تطفى ابعد عنها و ارجع اقف فوقها بسرعه و بكده هيجيلك المطلوب اللى هو BitterGinseng و هتلاقى شكلها شبه العشب .

ملحوظة مهمة : الحكايه ديه ممكن تفشل لما تقف على النقطه ديه و ممكن مش يديلك المطلوب و علشان كده هترجع تموت تانى فى الوحوش و تجيب تانى البيضتين و تعمل نفس الحكايه لحد لما تجيب المطلوب او العشب .

و ده شكل العشب بعد ما جبناها اللى هى BitterGinseng

بعد ما جبناها هنروح للدكتور نكلمه هياخد منك العشب و هيقولك روح للوحش اللى أسمها HawkL93 و جمع منهم 5 HawkClaw

بعد ما نجمعهم هنروجع تانى للدكتور هنسلمهملوا و هيقولنا نرجع تانى لـ PoorXiao هنكلمه و هنرجع تانى للدكتور لما نكلم الدكتور هيقولنا نرجع تانى لـ PoorXiao بعد كده لما تكلم الحاج PoorXiao هيقولك مبروك عليك المهمة بعد كده ترجع بقى لـ TaskmasterChang فى الـ JobCenter هتكلمة و هتدوس على نفس أسم المهمة و بكده مبروك عليك الجايزة 

♥♥♥ انتهت مهمة الهاتة السوبر ♥♥♥

-------------

مهمة السلسلة السوبر : Family Feud

مهمة السلسلة السوبر او مهمة النكلس السوبر الاتنين واحد يا رجالة .

المطلوب : Level 95
الجائزة : L97SuperNecklacePack

أولا هنروح زى ما قولتلكم الـ JobCenter و بعدين نكلم الراجل اللى قولنا عليه فوق اللى هو TaskmasterChang و بعدين هنختار المهمة اللى واضحة فى الصورة

بعد ام نستلم المهمة هيقولك روح كلم واحد أسمه Felix و ده هيكون موجود فى مدينة النسور BirdIslandCity و ديه صورته و مكانه

بعد ما نكلمه هيقولنا نروح نقتل 50 وحش من BanditsL97

بعد ما نقتل الـ 50 وحش هيظهرلنا الوحش ده BanditLeaderL97 هندور عليه لحد لما نلاقيه بس بشرط بعد ما نموت الـ 50 وحش 

بعد ما نقتله هيدينا حاجه أسمها RedToken بعد كده نرجع تانى لـ Felix هيقولنا نروح نقتل فى وحوش BanditsL98 لحد لما نلاقى Indigo Token

أول لما نلاقى التوكين هنرجع تانى للأستاذ Felix هيطلب مننا نجيب توكين تانى أسمها BlackToken بس من وحوش أسمها Bandit Courier و الوحوش ديه مش بتظهر غير لما تقتل كام وحش من الـ Banditti يجي 10 او 15 كده

بعد ما تلاقى التوكين هترجع تانى لـ Felix هيطلب مننا نجيب توكين تانى أسمها PitchToken و ديه هنجيبها من وحوش أسمها Bandit Deliverers هو هيقولنا نموت منهم 10 وحوش بس اول لما نموت الـ 10 هتجيلنا التوكين

المهم بعد لما نجيب التوكين نروح تانى لـ Felix و هيطلب مننا نجيب توكين تانى أسمها ScarletToken و ديه هنجبها من وحوش أسمها Senior Bandits

بعد لما نلاقى التوكين هنرجع تانى لـ Felix و الحمدلله مش هيطلب مننا توكين تانى :D بس هيحولك وحش شبه البانديت و هيقولك تروح تكلم GuideZhang و ده فى النقطه ديه بالظبط ( النقطه الحمرا )

أول لما تكلمه هيدخلك مكان كده فيه ألوان و فيه واحده أسمه CommanderKerry هنكلم عم الكومندر ده هيطلب منك فى خلال 10 ثوانى انك تنط على الألوان اللى حواليه بالترتيب ده 

- أسود

- أصفر

- أحمر

- أخضر

- أزرق
بالترتيب ده لازم و لازم فى خلال 10 ثوانى و بعد ما تعمل اللى قولتلك عليه ده هتلاقى كده ظهرلك شمس تحتيك يبقى انت كده ماشى فل الفل يا ريس بعد كده هتكلم عم كومندر تانى هيخرجك بره و هيقولك روح كلم Felix و ديه صورة كوماندر باشا

المهم بعد ما نكلم فليكس هيقولك مبروك عليك المهمة أنتهت بالرغم انه زهقنا بالتوكينات بتعته بس يلا مش مشكله :)
بعد كده ترجع بقى لـ TaskmasterChang فى الـ JobCenter هتكلمة و هتدوس على نفس أسم المهمة و بكده مبروك عليك الجايزة

♥♥♥ انتهت مهمة السلسلة السوبر ♥♥♥

-------------

مهمة الجزمة السوبر : Desert Treasure

المطلوب : Level 98
الجائزة : L100SuperBootsPack

أولا هنروح زى ما قولتلكم الـ JobCenter و بعدين نكلم الراجل اللى قولنا عليه فوق اللى هو TaskmasterChang و بعدين هنختار المهمة اللى واضحة فى الصورة

بعد ما ناخد المهمة هيقولنا نروح لواحد أسمه Louis و ده موجود فى مدينة الصحراء DesertCity هنكلمه هيدينا حاجه أسمها RevealVial

ملحوظة : معظم المهمة ديه هنعملها فى مكان أسمه Mystic Castle أو بمعنى أصح فيه ناس كتير تعرفه بأسم الكهف و هنروح المكان ده من مدينة الصحراء من البنت اللى بتخليك تسافر المركت هتكلمها وتختار Mystic Castle .

المهم بعد ما نكلم لويس هيقولنا نروح لوحوش أسمها Tomb Bats و دول موجودين فى الكهف و هيطلب مننا نجيب منهم المفتاح
ده شكل الوحوش

و ده شكل المفتاح ملحوظه انت ممكن تجيب أكتر من مفتاح عشلان الخطوه اللى جايه اللى بتجيب فيها البوكس ممكن تفشل من أول مفتاح فـ هات من الوحوش 3 أو 4 مفاتيح

هناخد المفتاح و نروح للمكان ده

و هنستعمل الـ RevealVial اللى أخدناها من Louis لحد لما نلاقى ScriptureBox و ده شكله

لما نجيب البوكس ده هندوس عليه كليك يمين و هيدينا حاجه أسمها ZenScripture بعد كده هنروح تانى لـ Louis بعد ما تسلمه اللى طلبه منك هيقولك روح أشترى حاجه أسمها VictoryPortrait و ديه هنجبها من عند واحد أسمها Shark هتلاقيه أول ما تخش الكهف Mystic Castle فى وشك على طول لما تكلمه هيطلب منك رقم تكتبه و هتكتب 99999 بعدين هيديلك الـ VictoryPortrait وهيطلب منك تجمعلوا 5 من حاجة اسمها BatEssence .

و ديه هنجبها من وحوش فى الكهف أسمهم BloodyBat و ديه صورتهم

و خالى بالك هما بيجوا برخامه شويه يعني بصراحه انت و حظك .

المهم نركز شويه بعد ما نجيب الـ 5 حاجات دول هنفتح الشنطه و ندوس كليك يمين على VictoryPortrait هتلاقيها اختفت و بكده يبقى تمام المهم بعد كده هنرجع تانى لـ Louis و نسلمها بسرعه ها بسرعه علشان لو مسلمنهاش بسرعه هنضطر نرجع تانى و نجمع من جديد المهم بعد ما نسلمهم لويس هيدينا حاجه أسمها PureBottle

هيطلب بقى مننا نروح المكان ده

هنلاقى وحش أسمه JinxTombBat و ده شكله

المطلوب مننا بقى أول ما نموت الوحش ده ندوس على طول على الـ PureBottle علشان يبدلهالنا بحاجه أسمها BuddhaRelic بعد كده نرجع تانى لـ Louic علشان نسلمهالوا بس هو هيسألنا شويه أسئلة و ديه الأسئلة و الإجابات بتاعتها .

السؤال الأول

What comes dowen but never goes up
الاجابة : Rain

السؤال الثاني

What is Black when it is clean and white when it is dirty
الاجابة : BlackBoard

السؤال الثالث

What Has ears but can not hear
الاجابة : Corn

و بعد ما نجاوب على الأسئلة ديه يبقى مبروك عليك المهمة بعد كده ترجع بقى لـ TaskmasterChang فى الـ JobCenter هتكلمة و هتدوس على نفس أسم المهمة و بكده مبروك عليك الجايزة.

♥♥♥ انتهت مهمة الجزمة السوبر ♥♥♥

-------------

مهمة الخاتم السوبر : Desert Expedition

المطلوب : Level 105
الجائزة : L110SuperRingPack

أولا هنروح زى ما قولتلكم الـ JobCenter و بعدين نكلم الراجل اللى قولنا عليه فوق اللى هو TaskmasterChang و بعدين هنختار المهمة اللى واضحة فى الصورة

بعد ما نستلم المهمة هيطلب مننا نروح لواحد أسمه MasterMoMo و ده موجود فى مدينة الصحراء DesertCity و ديه صورته و موجود فى الأحدثيات ديه (589.520)

هنكلمه هيدينا FerventPill

هيقولنا نروح لوحوش BullMonster و نجمع منهم 10 BurntBull و دول علشان نجيبهم لازم نضغط كليك يمين على FerventPill قبل ما نموت الوحوش اللى فى الصورة ديه و اللى هتلاقيهم فى الكهف

و لما نضغط على الـ FerventPill هتلاقي جسمك مولع نار زى الصورة

و ده شكل الـ BurntBull بعد جبناهم

هنرجع نكلم MasterMoMo هيدينا حاجه أسمها GhostMirror

و هيقولنا نروح لوحوش أسمها MadBull و دول هتلاقيهم جنب وحوش الـ BullMonster و بالتحديد فى المكان ده

المطالب منك انك تجمع من الوحوش ديه 3 BullGhost و علشان نجيبهم لازم نقف على البلورات الأول اللى هي شبه ديه

و علشان نجيب الـ 3 حاجات دول لازم لازم لازم تقف على البلوره و تدوس على المرايا اللى فى الشنطخ كليك يمين و تموت الوحوش اللى أسمها MadBull و انت واقف فوقيها

ملحوظة : فى المكان ده فيه 3 بلورات من ديه حضرتك مطلوب منك تدوس تدوس على المرايا و تشوف انهى مكان فيهم لان لما بتدوس عليها بيكتبلك الاحداثيات اللى المفروض تقف فوقيها

بعد ما نجيب الـ 3 دول هيكون شكلهم كده

بعدين نرجع تانى لـ MasterMoMo هنسلمهملوا و هيطلب مننا نروح نموت وحش أسمه BullMaster و ده موجود عند وحوش BullMonester

علشان نجيب منه القلب BullHeart

و بعد كده لما نجيب القلب نروح لـ MasterMoMo هياخد منك القلب و يقولك مبروك عليك المهمة بعد كده ترجع بقى لـ TaskmasterChang فى الـ JobCenter هتكلمة و هتدوس على نفس أسم المهمة و بكده مبروك عليك الجايزة

♥♥♥ انتهت مهمة الخاتم السوبر ♥♥♥

-------------

مهمة اللبس السوبر لفل 120 : PowerBook

المطلوب : Level 115
الجائزة : L120SuperClothingPack

أولا هنروح زى ما قولتلكم الـ JobCenter و بعدين نكلم الراجل اللى قولنا عليه فوق اللى هو TaskmasterChang و بعدين هنختار المهمة اللى واضحة فى الصورة

بعد ما نستلم المهمة هيقولنا نروح لواحد أسمه OldBeggar و بكون معانا واحدة Meteor و ده مكانه فى التون سيتي فى الاحدثيات (263.137) :

هنكلمه ولازم يكون معانا 1 Meteor

بعد كده هيدخلنا مكان كده و يقولنا نموت جوه 20 وحش أسمهم Slinger

بعد ما نموتهم هيقولنا نموت 10 وحوش أسمهم GoldGhost

و علشان نموتهم لازم نكون وقفين فوق النور ده

بعد ما نموت الـ 10 وحوش هيقولنا نموت :
- 15 وحش من Slinger
- 15 وحش من GoldGhost
بس بشكل عشوائى يعني مش لازم نقف على نور ولا حاجه .
بعد ما نموت المطلوب هيقولنا نروح الأرض التانيه من تحت خالص على الشمال نخش جوه الدوامه ديه

هنخش الأرض التانيه هيطلب مننا نموت 2 وحش من Bladeling فى خلال 10 ثوانى

بعد ما نموتهم هيطلب مننا حاجه أسمها TeethMark و ديه علشان نجيبهم لازم نموت فى وحوش أسمها AgileRat

و نجمع منهم حاجه أسمها AgileRatFang

و نفضل ندوس عليها كليك يمين لحد لما واحده تنجح و نجيب منها الـ TeethMark و بعد ما نجيبها هيقولنا نموت فى نفس الأرض كالاتى :
- 10 وحوش من Bladeling .
- 10 وحوش من AgileRat .
بعد ما نموتهم هيطلب مننا نروح الأرض الثالثه برضوا نفس اللى فات تحت ع الشمال هيطلب مننا نموت 2 وحش من BlueBird فى خلال 10 ثوانى :

بعد ما نخلص هنموت فى وحوش FiendBat

هنفضل نموت فيهم لحد لما نلاقى الجناح ده

بعدين نخده و نروح المكان ده (101.067) علشان نشوى الجناح

بعد كده هيطلب مننا نموت :
- 5 وحوش من BlueBird .
- 5 وحوش من FiendBat .
كده احنا تمام بس قبل ما نخرج من المابه ديه و ننتقل للى بعدها هنموت فى الـ BlueBird لحد لما ناخد منهم ريشه

بعد كده هننتقل للارض الاخيره و هنا محتاجين شويه تركيز:
مطلوب مننا نموت 10 وحوش من Minotaur بس بشرط بعد ما نموت كل وحش نستعمل الريشة اللى اخدناها

و لما نستخدمها هتلاقى فيه نار حواليك

و بكده يكون خلصنا حوار المابات ديه هنرجع بقى برساله للتون Twincity للراجل اللى بدأنا عنده المهمة و هنسلمة المهمة و بكده هيقولنا مبروك تمت المهمة بعد كده ترجع بقى لـ TaskmasterChang فى الـ JobCenter هتكلمة و هتدوس على نفس أسم المهمة و بكده مبروك عليك الجايزة .

♥♥♥ انتهت مهمة البدلة السوبر لفل 120 ♥♥♥

-------------

مهمة الجناح الاليت : TempestWings

المطلوب : Level 100
الجائزة : EliteTempestWings

مهمة الجناح الاليت الشرح بتاعها موجود على المدونة فى موضوع خاص بيها .
لينك الشرح : شرح مهمة الجناح الاليت EliteTempestWings بالصور .

-------------------------

وبكدة شرح مهمات الجوب سنتر كلها خلصت وده كان اخر جزء من الاجزاء الثلاثة وفيه قبليه اتنين تانى :
- الجزء الاول .
- الجزء الثانى .
والحمد لله الجزء ده شرحنا فيه كل مهمات الجوب سنتر السوبر ودول اصعب مهمات .
يارب يكون الشرح عجبكم ولو فى اى سؤال فى الشرح او حاجة مفهمتهاش ياريت تكتبها فى تعليق تحت الموضوع وهيتم الرد عليك فى اقرب وقت بإذن الله ^_^ .

تقدر تتابع كل جديد عن طريق :

- صفحة المدونة على الفيسبوك .

خاص بمدونة محترفين كونكر

شارك المقالة!! شاركها على فيبسوك شاركها على جوجل+