مشكلة الدخول فى سيرفرات كونكر
مشكلة الدخول فى السيرفرات Notice Regarding Unstable Servers
زى ما 99% من الناس خدوا بالهم من الموضوع ده ,, ان اللعبة مش بتفتح معاهم خالص وفى ناس اللعبة بتفتح معاهم والاميل بيخش بس بيكون البنج عالى اوى وفى ناس اللعبة شغالة عندهم فى الوقت اللى بايظة عند ناس تانية وسعات كله مش بيعرف يخش وهكذا .
التاريخ
- يوم 13 يوليو 2016.
تفاصيل الخبر
المشكلة دى اول مرة تحصل فى كونكر بالمنظر ده ,, قبل كدة حصلت حاجة شبهها بس اقل منها وهى ان سيرفرات كونكر كانت بتقعد اكتر من 5 او 10 دقايل لحد ما تخش السيرفر بتاعك ,, ومشكلة اللوجن اتحلت بعدها بحوالى يومين تقريبأ.
طبعأ الناس هتقول هو الجى ام متكلمش فى الموضوع ده خالص ؟
لأ هو اتكلم واعلنوا على الموقع الرسمى الخبر ده ,, ان فى مشاكل خاصة بالحجات التيكنيكال Technical ( يعنى الحجات الفنية اللى جوه اللعبة نفسها زى البرمجة ) ,, المشاكل دى خلت السيرفرات كلها مش مستقرة وبيحصل التهييس اللى انتوا بتشوفوه ده .
وده نص الرسالة اللى الجى ام قالها فى الخبر :
بالنسبة للناس الضعيفة فى الانجليزى ,, الجى ام بيقول بسبب مشكلة تقنية فى اللعبة , كل السيرفرات مش مستقرة فى الوقت الحالى, وان فى ناس هيجيلها دس كونكت Disconnect يعنى الاكونت يهيس عليك وفى ناس مش هيعرفوا يعملوا لوجن من وقت للتانى , ومع ذلك خليكوا واثقين اننا شغالين على حل المشكلة دى فى اقرب وقت وبعدها بيتأسفوا على الازعاج .
متهيالى الموضوع ده لازم يكون ليه تعويض للناس كلها بسبب انهم مش عارفين يلعبوا خصوصا يعنى ان شوب الايتمات الفرى شغال والناس كلها بتحاول تجمع سى بى اس فرى علشان تشترى الدى بى ب 100 سى بى اس فرى دا طبعأ غير مهمات الصيف Summer Online Events اللى بره التاون ,, ومش وقته خالص السيرفرات تبوظ .
------------------
هتابع معاكوا كل جديد بإذن الله لو فى اى حاجة جديدة بخصوص موضوع اللوجن ده .
علشان تتابع كل جديد خليك متابع صفحة المدونة على الفيسبوك ,,